«Манкунианлар» устози Оле Гуннар-Сульшер жамоа ҳужум чизиғи тўғрисида гапирди.
«Жамоанинг асосий мотори ҳужум триомиз десак ҳам бўлаверади. Марсьял, Решфорд ва Гринвуд қачон супер формада бўлса, биз ҳам максимал даражада ўйнаймиз.
Марсьяльнинг қобилияти "Лидс"га қарши баҳсда ҳам яққол кўзга ташланди. Югуриш ва аниқ зарбалар фоизини статистика ҳам айтиб турибди. Мен ундан шунақа ўйинларни кўпроқ кутаман. Ўйинлар оралиғида бироз бўлган пасайишга сабаб унинг қизил карточкаси эди. Шундан сўнг унинг руҳий босимни енгиб ўтиши қийин бўлди. Энди ҳаммаси жойида.
Шунингдек, унинг ёнида Решфорд ҳамда Гринвуд бўлса янаям ранг-баранг футболга гувоҳ бўласиз. Уларнинг барчаси формада бўлиб турса исталган рақиб билан юз фоиз потенциалда ўйнай оламиз», -дейди Сулшер.
Эслатиб ўтамиз, «МЮ»нинг навбатдаги баҳси эртага «Лестер»га қарши кечади.
