Москванинг «Спартак» клуби жамоа бош мураббийи Доменико Тедесконинг ўрнига мураббий излаш ишларини давом эттирмоқда.
"Қизил-оқлар"ни бошқариши мумкин бўлган мураббийлар орасида «Ливерпуль» ва «Реал» клублари собиқ бош мураббйи Рафаэль Бенитес ҳам бор.
Бундан ташқари, «Спартак» «Монако» собиқ устози Леонарду Жардимнинг ҳам вариантини кўриб чиқмоқда. Қолаверса, москваликлар «Сассуоло» бош мураббийи Роберто Де Дзербига ҳам алоқага чиққанди, бироқ, италиялик мутахассис бу таклифга рад жавоб берди.
«Спартак» Тедеско 2021 йилнинг ёзигача жамоада ишлашини, шартнома якунлангач, уни узайтирмаслик борасида томонлар келишиб олганлиги ҳақида хабар тарқатди.
