Испаниянинг "Валенсия" клуби ярим ҳимоячиси Ли Кан Ин жамоадан кетишни хоҳлаётганлиги ҳақида AS нашри хабар тарқатмоқда.
19 ёшли жанубий кореялик ярим ҳимоячининг "кўршапалаклар" билан амалдаги шартномаси 2022 йилнинг ёзида якунига етади. 2021 йилнинг январь ойи бошларади клуб раҳбарияти футболчи билан шартномани узайтириш борасида музокара олиб бормоқчи.
Ли Кан Иннинг ўзи жамоада қолишга қарши эмас, бироқ, у ўзига кўпроқ ўйин амалиёти кафолатланишини хоҳламоқда. Акс ҳолда, у ўзини трансферга қўйишларини сўрайди.
Ли Кан Ин "Валенсия"даги фаолияти мобайнида 43 та учрашувда майдонга тушган ва 2 та гол киритишга эришган.
Терма жамоаси эса ҳозиргача 5 та учрашув ўтказди ва ҳали гол киритгани йўқ.
