Мадриднинг "Атлетико" клуби собиқ футболчиси Хуанфран фаолиятининг ёрқин дамларини Диего Симеоне қўл остида ўтказди ва "Барселона"да порлаган Неймарга қарши бир неча маротаба тўқнаш келди. Ҳимоячи Неймарнинг провокацион қилиқларидан хафа бўлмаганлигини тан олди.
«Мен Неймарга қарши ўйнаганимда у ёш ва ҳозиргига қараганда анча кучли эди. Мен у билан бир неча маротаба сўкишиб қолганман, лекин буларнинг барчаси майдонда қолган. У билан ҳеч қандай муаммо йўқ, Неймарга барча яхши тилакларни тилайман.
Унинг ҳимоячиларни провокация қиладиган ўйинлари бор. Унга қарши ўйнаш доим қийин бўлган. Унга мана шундай ўйин услуби ёқади», – деди Хуанфран.
Хуанфран айни пайтда Бразилиянинг «Сан-Паулу» клуби шарафини ҳимоя қилмоқда.
