Madridning "Atletiko" klubi sobiq futbolchisi Xuanfran faoliyatining yorqin damlarini Diyego Simeone qo‘l ostida o‘tkazdi va "Barselona"da porlagan Neymarga qarshi bir necha marotaba to‘qnash keldi. Himoyachi Neymarning provokasion qiliqlaridan xafa bo‘lmaganligini tan oldi.
«Men Neymarga qarshi o‘ynaganimda u yosh va hozirgiga qaraganda ancha kuchli edi. Men u bilan bir necha marotaba so‘kishib qolganman, lekin bularning barchasi maydonda qolgan. U bilan hech qanday muammo yo‘q, Neymarga barcha yaxshi tilaklarni tilayman.
Uning himoyachilarni provokasiya qiladigan o‘yinlari bor. Unga qarshi o‘ynash doim qiyin bo‘lgan. Unga mana shunday o‘yin uslubi yoqadi», – dedi Xuanfran.
Xuanfran ayni paytda Braziliyaning «San-Paulu» klubi sharafini himoya qilmoqda.
