«Милан» ҳужумчиси Златан Ибраҳимович ўзининг орзулар жамоасини маълум қилди.

«Мен футболга содиқ бўлган 11 нафар кучли ўйинчиларни танлайман. Улар менга нимадир бера олган.

Дарвозабон — Буффон. Мен у билан «Ювентус»да бирга ўйнаганман. У ўзига хос жамоа эди ва менда ажойиб таассуротлар қолган. Мен ёш бўлганман. Улар менга шундай ёндашишганки, мен ҳозир «Милан» ёшларига шундай муносабатда бўламан.

Максвелл — чап қанот ҳимоячиси, менинг дўстим. Ундан кейин ҳимоя марказида — Неста ва Каннаваро. Фабио жуда шиддатли эди. У ўзининг скутерида мени Неапол бўйлаб сайр қилдирарди. У ва Тюрам жуда тажрибали ўйинчилар эди. Мен ҳозир ҳам у билан бирга ўйнашни истардим.

Майкон — ўнг қанот ҳимоячиси. «Интер»га келганида унинг қадрига етишмади.

Таянч ярим ҳимоясида — Недвед. У менга ҳаммадан ҳам кўпроқ нарса берган. Уни кўрганимда кам ишлаётганимни тушуниб етганман. У доимо машғулотда ишларди, машина эди.

Ярим ҳимояда Виейра ва Хави. Икки чемпион. Ўша «Барселона» жуда кучли эди. Дастлабки ярим йил ажойиб бўлганди, кейин эса мураббийлар туфайли ўзимни ёмон ҳис қилганман.

Ҳужумда эса барчаси оддий. Зидан — ҳужумкор ярим ҳимоячи. Ҳужумда Роналдо ва Марадона. Диего буюк ўйинчи, у менда яхшироқ. У мазкур жамоанинг бош мураббийи бўлиши мумкин эди. Ким билсин, балки мен ҳам вақти келиб мураббий бўларман», — деди швециялик футболчи.