«Барселона» ҳужумчиси Лионель Месси ўзининг келажаги ҳақида фикр билдирди. Эслатиб ўтамиз, Мессининг "кўк-анорранглилар" билан шартномаси 2021 йилнинг ёзида якунига етади.

Аргентиналик футболчи ўтган йилнинг ёзида «Барселона»дан кетмоқчи бўлганди, аммо якунда у шартноманинг охирига қадар клубда қолишга қарор қилди.

«Мен ҳозирда бирорта клуб билан музокара олиб бормаяпман. Мавсум охирига қадар бу борада ҳеч қандай аниқлик бўлмаса керак. Неймар? Уни ортга қайтариш жуда қимматга тушади.

Мен вақти келиб АҚШда ўйнашни истардим, бу менинг орзум. Аммо бу амалга ошадими ёки йўқми, билмайман.

Мен «Реал» ёки «Атлетико»га ўтмайман. Бунинг мутлақо иложи йўқ. «Барселона»дан кетаманми ёки йўқми, буни билмайман. Бу ҳақда мавсум сўнгида айтаман. Умид қиламан, фаолиятимни якунлаганимда клубнинг бир қисми бўлиб қоламан», — деди Месси.