«Эвертон» бош мураббийи Карло Анчелотти жамоанинг жорий мавсумдаги мақсади нима эканини айтди.

«Биз жадвалдаги ҳозирги ўрнимиздан қониқиш ҳосил қиляпмиз, аммо курашишда давом этишимиз керак. Сафарда биз яхшироқ ўйнаймиз. Бунга битта сабаб бор — томошабинларсиз ўйинлар. Акс ҳолда «Эвертон» уйда яхшироқ ўйнаган бўларди.

Жуда олисга назар ташлашни истамасдим. Чунки, тез орада навбатдаги ўйин кутиб турибди. Биз унга тайёргарлик кўришимиз керак. Биз карвонбоши эмасмиз, аммо яхши ўйнаяпмиз. Жорий мавсумда олдимизга қўйилган вазифа — еврокубокларга йўлланма берадиган ўринларни эгаллаш», — деди Анчелотти.

Маълумот ўрнида. «Эвертон» Англия чемпионатининг 15-туридан сўнг 29 очко билан 2-поғонани эгаллаб турибди. Анчелотти жамоаси кейинги турда «Манчестер Сити»га қарши майдонга чиқади.