«Ливерпуль» ҳужумчиси Садио Мане Премьер Лига 15-тури доирасида 27 декабрь куни «Вест Бромвич»га қарши кечган баҳсда (1:1) гол уришга муваффақ бўлди.

Бу сенегаллик футболчи учун «Ливерпуль» сафида АПЛдаги 69-гол бўлди. Шу тариқа Мане «қизиллар»нинг Премьер Лигадаги тўпурарлари рўйхатида Луис Суаресга етиб олди.

«Ливерпуль»нинг АПЛдаги энг яхши тўпурарлари:

1. Робби Фаулер — 128 гол;

2. Стивен Жеррард — 120;

3. Майкл Оуэн — 118;

4. Муҳаммад Салоҳ — 86;

5-6. Садио Мане — 69;

5-6. Луис Суарес — 69.

Мане кетма-кет иккинчи ўйинда гол уришга эришди. Бунга қадар 28 ёшли ҳужумчи сўнгги бор АПЛда октябрь ойида ўз ҳисобига гол ёздириб қўйганди.

Садио жорий мавсум АПЛда 14 ўйин ўтказиб, 6 гол ва иккита голли узатма муаллифига айланди.