Якунига етган мавсумни "Андижон" жамоасида ўтказган Дониёр Абдуманнопов Тошкентнинг "Пахтакор" жамоаси футболчисига айланиши кутилмоқда.
Аслида андижонлик бўлган футболчи аввалига "Андижон", сўнгра эса "Бунёдкор" академиясида таҳсил олган. Кейинчалик "Бунёдкор" клуби Абдуманноповга "Андижон"га ижарага берганди. Мавсум-2020нинг бошида тўлақонли равишда "Андижон" футболчисига айланган Абдуманнопов андижонликлар билан бир йиллик шартнома имзолаганди.
Якунига етган мавсумнинг икинчи даврасида фаол ўйнаган Абдуманнопов "Андижон" таркибида битта гол киритди. Айни пайтда унинг "Бургутлар" билан шартномаси якунланган.
Клубдаги манбаларимизнинг тарқатган маълумотига қараганда, Дониёрга Тошкентнинг "Пахтакор" жамоаси фаол қизиқиш билдирмоқда.
Эслатиб ўтамиз, бунгача аслида Андижонлик бўлган Фарҳод Бекмуратов ва Хушнуд Авиловлар бошқа жамоалар билан шартнома имзолаганди.
