Англиянинг «Манчестер Сити» клуби коронавирус сабабли, Лига Кубогининг ярим финал ўйинида «Манчестер Юнайтед»га қарши бўладиган ўйинда майдонга тушмаса техник мағлубият ёзилмайди.
Англия футбол лигаси (EFL) қоидаларига кўра, агар ўйинни ўтказишни имкони бўлмаса, у ҳолда ташкилот ўйинни бошқа муддатга қолдиради.
Эслатиб ўтамиз, сентябрь ойда коронавирус сабабли «Лейтон Ориент» Англия Лига Кубогининг 3-турида «Тоттенхэм»га қарши ўйинни ўтказмаганди. «Ориент» таркибида 17 нафар футболчи коронавирусга чалинганди. Ўшанда "шпорлар" 4-турга автоматик равишда йўл олганди, чунки, мусобақанинг ушбу босқичида ўйинларни бошқа муддатга қолдирилиши ёзилмаган. Турнирнинг ярим финалида эса ўйинларни бошқа муддатга кўчириш имконият эса мавжуд.
«Манчестер Сити» таркибида коронавирусга чалинганлар сони еттитага етди. АПЛнинг 16-тур доирасида кеча бўлиб ўтиши керак бўлган "шаҳарликлар"нинг «Эвертон»га қарши ўйини бекор қилинганди.
