Вандерлей Лушембурго фаолияти давомида иккинчи маротаба "Васку да Гама" клуби бош мураббийи этиб тайинланди. Бу ҳақда клуб расмий сайти хабар тарқатмоқда.
Дастлабки шартнома феврал ойи охиригача тузилда. Чунки, айнан мана шу ойда Бразилия чемпионати якунланади. 68 ёшли мутахассиснинг кейинги тақдири мана шундан кейин ҳал бўлади. Чунки, агар Вандерлей жамоани А Серияда олиб қолса, у ҳолда ўз фаолиятини давом эттираверади.
27-турдан кейин "Васку да Гама" жамоаси қуйи лигага тушиб кетиш учун асосий номзодлардан бири бўлиб турибди. Бироқ, уларнинг ҳисобида битта ўйин бор, агар шу ўйинда муваффақиятли ўйнаса, "Брагантино", "Форталеза", "Спорт Ресифи" ва "Байя" жамоаларидан ўтиб кетади.
Лушембурго билан бирга жамоага унинг ёрдамчилари - Маурисио Копертино, Антонио Мело ва Даниэль Фелиш ҳам келишди.
