Лондоннинг «Арсенал» клуби ҳимоячиси Сократис Папастатопулос яқин вақт ичида жамоани тарк этади.
Туркия матбуотининг ёзишига қараганда, «канонирлар» Сократисни текинга қўйиб юбормоқчи. Ҳимоячига АПЛ, Греция ва Туркия клублари қизиқиш билдиришмоқда. Айни пайтда футболчи «Арсенал» раҳбарияти билан шартномани бекор қилиш борасида музокара олиб бормоқда.
32 ёшли грециялик футболчи жорий мавсум «Арсенал»нинг атиги иккита ўйинида майдонга тушди.
Қайд этиш керакки, Сократисни «Арсенал» билан амалдаги шартномаси шу йилнинг ёзида якунланади. У Лондонга 2018 йилнинг июнь ойида Дортмунднинг «Боруссия» клубидан 16 миллион евро эвазига кўчиб ўтганди.
