Англиянинг «Манчестер Сити» клуби бош мураббийи Пеп Гвардиола 16-тур доирасида «Эвертон»га қарши қолдирилган ўйин ҳақида фикр билдирди.

Ўйин 28 декабрь куни Тшшкент вақти билан соат 01:00да бўлиб ўтиши керак эди, лекин «Манчестер Сити» таркибида коронавирусга чалинган футболчилар аниқланганлиги сабабли, ўйин қолдирилди.

Гвардиола "Челси"га қарши ўйиндан олдин ташкил этилган матбуот анжуманида Премьер-лига душанба куни коронавирусга чалинган футболчиларнинг исмларини ошком қилмаслигини сўраганлигини айтиб ўтди. Испаниялик мутахассис бу шахсий маълумотлар ҳимояси билан боғлиқ эканлигини таъкидлади.

Эслатиб ўтамиз, «Эвертон» АПЛдан «Манчестер Сити» таркибидаги коронавирусга чалинган футболчилар ҳақида батафсил маълумт беришини талаб қилганди.

Айни пайтда «Манчестер Сити» таркибида Габриэль Жезус ва Кайл Уокерларнинг коронавирусга чалингани аниқ. Яна уч нафар футболчилар эса номи ошкор қилинмаяпти. «Манчестер Сити» эртага «Челси»га қарши майдонга тушади.