Angliyaning «Manchester Siti» klubi bosh murabbiyi Pep Gvardiola 16-tur doirasida «Everton»ga qarshi qoldirilgan o‘yin haqida fikr bildirdi.
O‘yin 28 dekabr kuni Tshshkent vaqti bilan soat 01:00da bo‘lib o‘tishi kerak edi, lekin «Manchester Siti» tarkibida koronavirusga chalingan futbolchilar aniqlanganligi sababli, o‘yin qoldirildi.
Gvardiola "Chelsi"ga qarshi o‘yindan oldin tashkil etilgan matbuot anjumanida Premyer-liga dushanba kuni koronavirusga chalingan futbolchilarning ismlarini oshkom qilmasligini so‘raganligini aytib o‘tdi. Ispaniyalik mutaxassis bu shaxsiy ma’lumotlar himoyasi bilan bog‘liq ekanligini ta’kidladi.
Eslatib o‘tamiz, «Everton» APLdan «Manchester Siti» tarkibidagi koronavirusga chalingan futbolchilar haqida batafsil ma’lumt berishini talab qilgandi.
Ayni paytda «Manchester Siti» tarkibida Gabriel Jezus va Kayl Uokerlarning koronavirusga chalingani aniq. Yana uch nafar futbolchilar esa nomi oshkor qilinmayapti. «Manchester Siti» ertaga «Chelsi»ga qarshi maydonga tushadi.