Каталониянинг «Барселона» клуби бош мураббийи Роналд Куман Луис Суаресни "Атлетико" клубига қўйиб юборганидан афсусда эмаслигини билдирди.
«Йўқ, афсусда эмасман. Мен ҳар доим унинг савиясини юқори баҳолаганман. Ушбу қарор у ва клуб томонидан қабул қилинган. Мен ҳар доим барча учун яхшиликларни тилайман.
У «Барселона»нинг асосий таркибидан жой олиш учун мен билан бирга ишлаган, бироқ, унинг тақдири бошқача кечди.
Бизнинг жамоани «Атлетико» билан солиштириш керак эмас. Ғалаба қозонишнинг бошқа усуллари борлигига ишонаман.
Баъзан уларнинг ўйин услуби туфайли битта гол ҳам ғалаба қозониш учун етарли бўлади. Бизда эса барчаси ўзгача», – деди Куман.
