Италиянинг «Интер» клуби бош директори Беппе Маротта жамоанинг молиявий ҳолати ҳақида фикр билдирди.
«Кеча президентимиз баёнот бериб, унда клубимиз акциялари сотилмаслигини айтиб ўтди. Бутун дунёда пандемияга қарши курашмоқда, шу сабабли, барча клублар мувозанатга ва барқарорликка эътибор қаратиши керак.
Биз трансфер бозорида ўтмишимиздаги ҳаражатларни кўрмаяпмиз. Биз кўриб чиқшимиз керак бўлган ҳолат бу - ҳаражатлар ва Италияда ойлик иш ҳақи ва трансферлар улуши даромади 50-55 фоиздан деярли 70 фоизга кўтарилди.
Шунинг учун биз коронавирус пандемияси даврида даромадлар муқаррар равишда камайган даврда ҳаражатларни қайта кўриб чиқишимиз керак. Бу дунёнинг барча клублари учун амал қилади. Биз ҳаражатларни камайтиришимиз ва узоқ муддатли режалаштиришни давом эттиришимиз керак», – деди Маротта.
