Каталониянинг «Барселона» клуби айни пайтда Ла Лиганинг 17-тур доирасида «Уэска» жамоаси меҳмони бўлмоқда. Лионель Месси бугун "Барселона"нинг асосий таркибида майдонга тушди.
Ушбу баҳс аргентиналик юлдуз учун "Барселона"даги 750 ва Ла Лигадаги 500-ўйини ҳисобланади. "Барселона" тарихида фақатгина Хави Мессидан кўп ўйин ўтказган.
Месси катта эҳтимол билан Хавини ҳам қувиб ўтади. Чунки, испаниялик собиқ футболчи ҳисобида Ла Лигада 505, умумий эса 767 та ўйин бор.
Месси Испания чемпионатида 500 та ўйин ўтказган илк хорижлик футболчи сифатида тарихдан жой олди.
