Мюнхеннинг "Бавария" клуби бош мураббийи Ханс-Дитер Флик Бундеслига доирасида "Манйц" (5:2) устидан қўлга киритилган йирик ҳисобдаги ғалаба ҳақида фикр билдирди.
"Иккинчи бўлимда амалга оширган ўзгартиришларимиз бизга фойда олиб келди. Биринчи бўлимда етишмаган яккакурашларга иккинчи таймда кўпроқ урғу бердик. Бизда бир қатор вазиятлар юзага келди, аммо рақиб хавфли эди. Қолаверса, ҳимоядаги яккакурашларда кам ютдик. Иккинчи бўлимда мана шу жиҳатга ҳам эътибор қаратдик. Шундан сўнг биз яхши ўйин намойиш этдик ва иродамиз эвазига ғалаба қозондик. Биринчи бўлимда кўрсатган ўйинимиз яхши чиқмаганини барчамиз тушуниб тургандик", - Фликнинг сўзларидан иқтибос келтирмоқда клуб расмий сайти.
