Ҳамюртимиз тўп сураётган «Женоа» клуби бош мураббийи Давиде Баллардини «Лацио»га қарши баҳсдан сўнг Элдор ҳақида фикр билдирди.
«Мен клубда ўйиндан ўйинга стабилликнинг гувоҳи бўляпман. Секин-аста даражамизни тиклаб бормоқдамиз.
Кучли жамоага қарши дастлабки дақиқаларданоқ агрессив кайфиятда ўйнаш осон эмас. Иккинчи бўлимда ҳам рақибнинг хавфли ҳужумларидан яхшигина ҳимояландик. Менимча ҳаракатимизга мос очкони қўлга киритдик.
Бу ерда ҳужумчиларни алоҳида таъкидлаб ўтиш жоиз. Дестро ва Шомуродов сизни ажаблантирдими? - Асло. Мен аввалдан буни кутгандим. Уларни жуда яхши биламан.
Шомуродов ҳақида менга кўп айтишингизни ҳожати йўқ. Мен уни машғулотларда жиддий кузатяпман ва қандай салоҳиятга эга эканини яхши биламан», - дейди Баллардини.
Эслатиб ўтамиз, ҳамюртимиз Италиянинг баъзи манбалари томонидан учрашувнинг энг яхши футболчиси деб топилди.
