Дортмундликлар ўз етакчиси Холандни бошқа клубга қўйиб юбормоқчи эмас.
Клуб ижрочи директори Ҳанс-Йоахим Ватцке футболчини нима қилиб бўлса ҳам жамоада олиб қолиш нияти борлигини билдирди.
«Биз Холандни сотиб юбориш ҳақида умуман ўйлаганимиз йўқ. Унда Левандовскининг тақдирини кўрса бўлади. У бир кун келиб барибир жамоани тарк этади - бунга шубҳам йўқ. Нима бўлган тақдирда ҳам гранд клублар ихтиёрига бориб қўшилгани маъқул. Масалан, "Реал"га.
Биз ҳам унинг ўсиши учун барча қарорларга розимиз. Аммо, айни дамдаги оғир вазиятда у Дортмундга керак ва трансфер борасида ҳеч қандай гап-сўз бўлиши мумкин эмас», - дейди Ватцке.
Эслатиб ўтамиз, Ҳоланднинг «асаларилар» билан амалдаги шартномаси 2024 йилда ўз якунига етади.