Англиянинг «Манчестер Юнайтед» клуби бош мураббийи Оле-Гуннар Сульшер Англия Лига Кубоги ярим финал босқичида «Манчестер Сити» клубига қарши бўлиб ўтадиган ўйиндан олдинги фикрларини билдириб ўтди.
Бугун Манчестер шаҳри клублари Лига Кубоги финал йўлланмаси учун баҳс олиб боради.
«Астон Вилла»га қарши ўйиндан кейин тўрт кун дам олдик, шу сабабли, умид қиламанки, биз етарлича куч йиғиб олдик. Бу қийин мавсум, аммо биз давом эттирилаётган ротациядан фойда оляпмиз. Куч йиғиб олган футболчиларга эга бўлиш муҳим омил бўлади.
«Манчестер Сити» «Челси»га қарши ўйинда юқори темпда ўйин намойиш этди. Бу мен учун сюрприз бўлмади, чунки улар тайёргарлик учун кўпроқ вақтга эга эди», - деди норвегиялик мураббий.
