«ПСЖ»нинг янги мураббийи Маурисио Почеттино клубдаги илк трансферини аниқлаб олди.
Унга кўра аргентиналик мутахассис жамоага собиқ шогирди Кристиан Эриксенни олиб келиш фикрини ўйлаб кўрмоқда. Улар аввал ҳам биргаликда фаолият олиб боришгани сабабли бу мураббийнинг ишини осонлаштириши мумкин.
Парижликлар аллақачон футболчининг агенти билан алоқага чиқишган. Қизиқ томони, Конте ҳам Кристианнинг жамоани тарк этишидан манфаатдор.
Эриксеннинг айни пайтдаги трансфер нархи 35 миллионни ташкил этади. У жорий мавсум барча мусобақаларда «нерадзурри» либосида 12 та ўйинда майдонга тушган.
