Лондоннинг «Арсенал» клуби бош мураббийи Микель Артета Месута Ўзилнинг январь ойида жамоадан кетиши ҳақидаги хабарларга фикр билдирди.
«Агар шу ойда бирор-бир қарор қабул қилинса, у ҳолда бу икки томон учун ҳам фойдали бўлади. Бу Месутнинг ўзи ва келажига, ҳамда клуб учун ҳам яхши бўлади. Агар ҳаммаси ҳозиргидек давом этадиган бўлса, олдинга қадам ташлашда давом этамиз, акс ҳолда Ўзил шу ерда қолади.
Таркибимизда жуда муҳим футболчилар борлигини, ўтган мавсумда катта ҳажмдаги ишларни амалга оширган ўйинчилар борлигини биламиз. Мен Ўзилни рўйхатдан чиқариб юбориш борасида якуний қарорга келишим керак эди ва мен буни қабул қилдим. Мен бунинг оқибатларини билардим. Энди январь ойида яна бир қарорга келишим керак», – деди мураббий.
