Италиянинг «Милан» клуби бош мураббийи Стефано Пиоли жамоадаги жароҳат олган футболчилар ҳақида фикр билдирди.
«Беннасер ва Салемакерслар «Кальяри»га қарши бўладиган ўйингача сафга қайтишади. Улар тикланиш жараёнини фаол ўтказишмоқда, барчаси жойи, лекин биз уларни тезроқ қайтаришга мажбурламаймиз.
Ибрагимович? У жуда катта ҳажмдаги ишларни амалга оширмоқда, лекин, Златан «Торино»га қарши ўйинда майдонга тушади деб ўйламайман.
Кўп сонли жароҳатларга қарамасдан, машғулотларни давом эттиришимиз керак. Кўп футболчилар яқинда сафга қайтишади, таркибда ротация амалга оширамиз, озгина сабр қилишимиз керак», - деди Пиоли Football Italia билан суҳбатда.
Эртага, 9 январь куни «Милан» ўз майдонида «Торино»ни қабул қилади.
