Англиянинг «Манчестер Юнайтед» клуби бош мураббийи Оле-Гуннар Сульшер Серхио Ромеро ва Маркос Рохоларнинг келажаги ҳақида фикр билдирди.
«Бу икки футболчиларнинг шартномалари мана шу мавсум охирида якунланади ва биз улар билан шартномани узайтириш ниятида эмасмиз. Улар учун жамоа топишга ҳаракат қиламиз. Маркос айни пайтда Аргентинада бўлиб турибди, биз унга ўз уйида бўлишига имконият бердик. Ромеро ҳақида гапирадиган бўлсам, у ҳам ўз оиласи даврасига кетган. Уларнинг иккиси ҳам профессионал саналади, уларни қачонки чақирсак, шу заҳоти етиб келишади», - деди Сульшер Independent билан суҳбатда.
