«Бавария» клуби Бундеслиганинг 15-тури доирасида Менхенгладбахда «Боруссия» клуби меҳмони бўлиб, 2:3 ҳисобида мағлуб бўлди. Мюнхенликлар ҳужумчиси Роберт Левандовски кечаги баҳснинг 20-дақиқасида пенальтидан унумли фойдаланиб, ҳисобни очганди.

Польшалик футболчи учун мазкур гол «Бавария» сафида Бундеслига доирасидаги 182-гол бўлди. Ушбу кўрсаткич бўйича у Ульф Кирстен («Байер») ва Клаус Фишер («Шальке»)га тенглашиб олди.

Ушбу кўрсаткич бўйича Юпп Хайнкес («Боруссия Менхенгладбах», 195) ва Герд Мюллер («Бавария», 365) етакчи бўлиб туришибди.