Лондоннинг «Челси» клуби «Лейпциг» ҳимоячиси Дайот Упамекано ўйинларини катта қизиқиш билан кузатиб бормоқда.
Daily Mail хабарига кўра клуб футболчини ёзда ўз сафига қўшиб олишга ҳаракат қилиб кўради. Унинг трансфер нархи ҳозирча 45 миллионга баҳоланмоқда.
«Аристократлар» айни пайтдаги иқтисодий муаммолари сабабли Дайотни сотиб олиши учун баъзи футболчиларини қурбон қилишга мажбур.
Ҳозирча жамоадан кетиши кутилаётган ўйинчилар орасида Антонио Рюдигер, Фикайо Томори ҳамда Андреас Кристенсенларнинг номи бор.
Маълумот учун жорий мавсум Упамекано 21 та учрашувда майдонга тушиб 1 голга муаллифлик қилган.
