Англиянинг «Манчестер Сити» клуби бош мураббийи Хосеп Гвардиола жамоа марказий ҳимоячиси Рубен Диаш ҳақида илиқ фикрларни билдирди. Диаш «Манчестер Сити» сафига «Бенфики» клубидан келиб қўшилган ва ўзига билдирилган ишончни оқламоқда.

«У ёки бу янги келган футболчининг жамоага қандай қўшилишини ҳеч қачон аниқ айтиб бўлмайди, аммо Диаш ҳақида гапирадиган бўлсам, ҳаммаси яхши ўтди. У ўйинни ажобий тарзда тушунмоқда ва ўрганишда давом этишни хоҳламоқда. Унинг жисмоний формасидан ва футбол билимидан хурсандмиз.

У ҳар уч кунда бир майдонга тушиши мумкин.У жуда тез тикланади ва 24 соат ўз соҳаси бўйича ўйлайди. Диашни қўлга киритиш асносида жуда омадимиз чопган. Умид қиламанки, у ривожланишда давом этади», - деди Гвардиола.