«Андижон» таркибни бутунлай бошидан шакллантиргани боис йиғинга юзлаб футболчилар жалб қилинди. Бир неча назорат учрашувлари давомида футболчилар саралаб олинди ва сараланишда давом этмоқда.

Ҳозирда машғулотларни давом эттираётган футболчилар билан танишинг:

Ўтган мавсумда «Бунёдкор» жамоасида ҳаракат қилган дарвозабон Жасур Умрзоқов ҳозирда жамоамиз машғулотларида қатнашмоқда. Яна бир дарвозабон, «Андижон» жамоамиз шарафини ҳимоя қилган Жавоҳир Қиличев ҳам йиғинида иштирок этмоқда. Шунингдек, «Металлург» жамоасидан Иброҳим Турғунбоев ва Ҳазрат Турсунқулов, ўтган мавсумда «Бунёдкор» жамоасида тўп сурган Камрон Нажафалиев, «Локомотив» жамоаси ҳужумкор ярим ҳимоячиси Камрон Саидазимов, «Динамо» жамоасидан Миркомил Локаев, «Оқтепа» жамоасидан Суннат Мамадалиев ва ўтган мавсумда андижонликлар  шарафини ҳимоя қилган Усмонали Исмоналиев, Фарҳод Соҳибжонов, Дониёр Абдуманнопов, Бахтиёр Қосимов, Муҳаммадкарим Тоиров, Жамшид Ҳомидов ва бир қатор ёш футболчилар машғулотларда иштирок этишмоқда.