Лондоннинг "Арсенал" клуби ярим ҳимоячиси Тео Уолкотт, клубнинг асфонавий ҳужумчиси Тьерри Анрининг жамоага қайтишидан ҳурсанд эканлигини, аммо бир пайтлар у тўп сурган 14-рақамни унга қайтариб бериш нияти йўқлигини айтиб ўтди.

"Анрининг биз билан шартнома имзолаганидан бошим кўкка етди. Бундай футболчи билан нафақат майдонда, балки машғулотларда ёнма-ён тўп суришнинг ўзи катта бахт. У жуда катта тажрибага эга ҳужумчи. У ҳақиқий етакчи. Жамоамиз сафидаги ёш футболчилар учун, унинг маслахатлари жуда зарурдир. Мен ҳозирда тўп сураётган 14-рақам билан боғлиқ саволларга келсак, уни Анрига қайтариб бермоқчи эмасман. Бу ҳақда унинг ўзига ҳам айтдим. Унга бўлган ҳурматим чексиз, аммо ҳозирда бу рақамни унга қайтариб беришни истамайман. У жамоадан кетгач, бу рақам менга топширилганди. Шундай экан уни яна қайтариб беришни ўйламаяпман.