«Манчестер Сити» ва «Барселона» клубларининг собиқ футболчиси Яя Туре мураббийлик фаолиятини бошлаш ниятида эканлигини маълум қилди.
«Гвардиола билан ўйиннинг турли хил жиҳатлари ҳақида тез-тез гаплашиб тураман. Пеп футболнинг нозик тарафларини яхши тушунишимга гувоҳ бўлди. «Манчестер Сити» президенти ўзимни мураббий сифатида синаб кўришим кераклиги ҳақида айтди.
Менга ўз ўйинимни батафсилроқ таҳлил қилишга уринаётгандек туюлди. Бироқ, кейинчалик мен шунчаки мураббий каби ўйлаётганимни англадим», - деди Туре Goal.com билан суҳбатда.
Эслатиб ўтамиз, ивуарлик футболчининг сўнгги жамоаси Хитойнинг «Циндао Хайню» жамоаси бўлди. У ўша ерда фаолиятини якунлаганини маълум қилди.
