Англия чемпионатининг 19-турида "Манчестер Юнайтед" ўз майдонида "Блэкберн"га имкониятни бой берди (2:3). Шундай қилиб, Алекс Фергюсон шогирдлари Англия Премьер-лигаси тарихида илк бора мусобақа жадвалида сўнгги ўринни эгаллаб турган жамоага ўз майдонида имкониятни бой берди. Бу ҳақда "Sports.ru" "Infostrada" маълумотларига асосланиб хабар бермоқда.

2011 йилнинг 5 январь куни "Манчестер Юнайтед" мусобақа жадвалида сўнгги ўринда бораётган "Вулверхэмптон"га имкониятни бой берганди (1:2), аммо бу ўйинни манчестерликлар меҳмонда ўтказишганди.

Бундан ташқари, МЮ шу вақтгача Премьер-лига тарихида ҳали бирор марта Мавлуд даврида (25 декабридан 6 январгача) "Олд Траффорд"да имкониятни бой бермаганди. Шу даврда ўтказилган учрашувларнинг 24 тасида ғалаба қозонган бўлса, 5 тасида дуранг натижа қайд этган.