Испания терма жамоаси бош мураббийи Висенте дель Боске "Челси" ҳужумчиси Фернандо Торреснинг сўнгги вақтларда етарлича ўйин амалиётига эга бўлмаётганлиги хусусида гапириб ўтди.

"Торрес жуда кам ҳолларда майдонга тушмоқда. Бу мени хавотирга солаяпти. Етарлича ўйин амалиётига эга бўлмаган футболчиларни йирик мусобақаларга олиб кетиш таваккалчиликдан ўзга нарса эмас. Европа чемпионати бошланишига 5 ой вақт бор. Ўйлайманки, Торрес бу орада яна майдонга қайтади ва ўзининг қандай савиядаги ҳужумчи эканлигини ҳали исботлайди. Агар худди ҳозиргидек ўйин амалиётисиз қолиб кетадиган бўлса, биринчи навбатда ўзига зиён қилган бўлади", - дея дель Боскенинг сўзларидан иқтибос келтирмоқда Sky Sports