«Айнтрахт» спорт директори Фреди Бобич жамоа «Реал» ҳужумчиси Лука Йовични ижарага олаётгани тасдиқлади. Бундеслига клуби сербиялик футболчи билан мавсум охирига қадар шартнома имзолайди.
«Йовични ёзга қадар ижарага олиш бўйича келишувга эришишга яқин турибсиз. У тиббий кўрикдан муваффақиятли ўтиши керак. Ҳаммаси жойида бўлса, у сафимизга қайтади», — деди Бобич.
2019 йилнинг ёзида «Реал» Йович учун «Айнтрахт»га 63 млн евро тўлаган эди. Шундан бери форвард 32та баҳсда майдонга тушиб, бор-йўғи 2та гол урди. Ҳозирда Transfermarkt Лукани 20 млн еврога баҳолаган.