"Арсенал" бош мураббийи Арсен Венгер "КПР" билан бўлган ўйиндан сўнг жамоаси бундан-дa яхши натижалар қайд этишга қодир эканини таъкидлаб ўтди.
"Биз учун энг муҳими — ҳимояда ишончли ўйин намойиш этиш эди. — деди "канонирлар" устози. — Яратган вазиятларимиздан фойдалана олдик. Ван Перси яна жамоага ғалабани олиб берди. Исботлашимиз керак бўлган нарсалар кўп. Муҳими, жамоанинг асосини ташкил этувчи ўзак мавжуд. Шогирдларимда иштиёқ билан боғлиқ муммо йўқ ва жамоада ажойиб муҳит ҳукмрон".
"Мавсум аввалида жуда қийин вазиятга тушиб қолган эдик. Ҳатто 17-ўринга тушиб қолганимизда ҳам шогирдларимга ишондим. Аммо биз ўйинимизни янада яхшилашимиз лозим", — деди Венгер ўйиндан кейин бўлиб ўтган матбуот анжуманида.
