«Реал Сосьедад» бош мураббийи Иманоль Альгуасиль «Барселона»га қарши бўлиб ўтадиган Испания суперкубоги баҳси олдидан ўз фикрини билдириб ўтди.

«Жамоадаги мотивация юқори. Мен ҳам жуда руҳланганман. Менда мотивация юқори бўлганида, ҳиссиётларимни яшира олмайман. Ўзаро суҳбатда ўйинчиларни руҳлантирдим.

Кўпчилик «Барса», «Реал» ёки «Атлетик»ни фаворит деб ҳисоблайди. Аммо «Реал Сосьедад» ўйнаганда, менинг жамоам мен учун фаворит. Агар мен ўз жамоамни фаворит дея ҳисобламасам, ғалаба қозонишнинг имкони йўқ.

«Барселона» билан қандай ўйнаш керак? Месси исталган пайтда пайдо бўлиши мумкин, лекин уларнинг сафида Лионелдан бошқа аъло даражадаги ўйинчилар бор. Янги мураббий, янги тизим. Аммо сўнгги учрашувларда уларда натижа кўрсата бошлашди.

Улар кўп жиҳатдан яхшироқ бўлсалар-да, уларни мағлуб этишимиз мумкинлигини биламиз. Ғалаба учун нима кераклигини биламиз. Майдонга қўрқувсиз чиқамиз», – деди Альгуасиль.