Эрон терма жамоасининг собиқ етакчиси Маҳди Маҳдавикия футболчилик карьерасини тугатишни бироз орқага сурди ва бир-икки йил жонажон "Персеполис"и таркибида югуриб туришга қарор қилди.
Немисларнинг "Бохум", "Айнтрахт" ва "Ҳамбург" клубларида карьера қилган 34 ёшли ўнг қанот ярим ҳимоячиси мухлисларнинг чорловини беэътибор қолдирмади ва ўзи ўн уч йил муқаддам катта футболга қадам қўйган клуб — "Персеполис" таркибига келиб қўшилди. Клубда энди у Эрон миллий терма жамоаси таркибидаги дўсти, "Бавария"нинг собиқ ўйинчиси Али Каримий билан бирга тўп сўради.
Маҳди 2009 йилдан буён миллий терма жамоа сафида тушмаяпти. У ва яна беш нафар футболчи Маҳмуд Аҳмадийнажоднинг яна қайта президент этиб сайланишидан норози бўлишган, оқибатда терма жамоадан ҳайдалишган эди.
