“Қўқон-1912” жамоаси аъзолари Тошкент шаҳрида мавсумга тайёргарлик жараёнларини давом эттиришмоқда. Бахтиёр Ашурматов шогирдларининг машғулотларида бугун яна бир хурсандчилик ҳолати кузатилди. Қўқонлик мухлисларнинг севимли футболчиси Суҳроб Бердиев узоқ даволанишдан сўнг жамоа машғулотларига қўшилди.

Эсингизда бўлса Бердиев ўтган мавсумнинг 21-туридан ўрин олган “Қўқон-191” – АГМК учрашувида оёғидан жиддий жароҳат олиб сафдан чиққан эди.

Тўғри Бердиев ҳали асосий гуруҳ машғулотларида тўлиқ иштирок этгани йўқ. Шифокорлар ҳозирча футболчига югуриш учун рухсат беришмади, Бердиев хозирча тренажёрларда тикланиш машқларини бажармоқда. Футболчимиз босқичма-босқич машғулотларни мураккаблаштириб боради. Асосийси Бердиевнинг жамоа сафига қўшилгани бўлди.

Биз Суҳробжонни тезроқ спорт формасини тиклаб, яна футбол майдонларида ўзининг чиройли ўйинлари билан мухлисларимизни хурсанд қилишига ишонамиз. Қуйида кечаги машғулотларидан олинган суратларни томоша қилинг.