Лондоннинг «Тоттенхэм» қанот ҳимоячиси Дэнни Роуз эркин агентга айланиши мумкин. Talksport нашрининг тарқатган маълумотига қараганда, клуб раҳбарияти 30 ёшли футболчи билан шартномани муддатдан олдин бекор қилмоқчи.
Манбанинг ёзишича, жамоа бош мураббийи Жозе Моуриньо Роузга ишонч билдирмаяпти. Айтилишича, футболчининг хизматига «Лацио» ва «Женоа» клубларидан қизиқиш бор.
Эслатиб ўтамиз, Дэнни «Тоттенхэм» сафида 2007 йилдан бери ўйнаб келади. Жорий мавсумда у битта ҳам ўйинда майдонга тушмади.