Londonning «Tottenxem» qanot himoyachisi Denni Rouz erkin agentga aylanishi mumkin. Talksport nashrining tarqatgan ma’lumotiga qaraganda, klub rahbariyati 30 yoshli futbolchi bilan shartnomani muddatdan oldin bekor qilmoqchi.
Manbaning yozishicha, jamoa bosh murabbiyi Joze Mourinyo Rouzga ishonch bildirmayapti. Aytilishicha, futbolchining xizmatiga «Lasio» va «Jenoa» klublaridan qiziqish bor.
Eslatib o‘tamiz, Denni «Tottenxem» safida 2007 yildan beri o‘ynab keladi. Joriy mavsumda u bitta ham o‘yinda maydonga tushmadi.
