«Реал» яримҳимоячиси Эден Азар 10 фоиздан ортиқ овоз тўплаган ҳолда мухлислар томонидан Белгия футболининг рамзи сифатида эътироф этилди.
Белгия Қироллик футбол ассоциацияси матбуот хизматининг хабар беришича, сўров ташкилотнинг 125 йиллиги муносабати билан ўтказилган. Ғолиб мухлислар берган овозлари билан аниқланган. Эден Азар 10,6 фоиз овоз билан, 9,4% кўрсатгичдаги Венсан Компани ҳамда 9,1% овоз олган Кевин Де Брюйнеларни ортда қолдирди.
Маълумот учун, Эден Азар Белгия терма жамоаси таркибида 106 учрашув ўтказиб 32 гол уришга муваффақ бўлган.
