Championat.comнинг хабар беришича, Италия нашрлари бугун сенсацион ахборотни чоп этишган: "Манчестер Сити"нинг аргентиналик 27 ёшли ҳужумчиси, "шаҳарликлар"га аллақачон кераксиз деб топилган Карлос Тевес "Милан"га эмас, "Интер"га ўтиши мумкин.
Футболчини сотиб олишда шахсан "нерадзурри"лар эгаси Массимо Моратти қизиқиш билдирган. Бу борада у аллақачон инглиз клуби устози, "Интер"нинг собиқ бош мураббийи Роберто манчини билан дастлабки музокараларни ҳам ўтказиб олган.
Хабар қилинишича, пайшанба куни ҳар икки клуб вакиллари ўртасида расмий музокаралар бошланади.
"Интер" Тевеснинг шартномаси билан қўшиб сотиб олишга тайёр бўлса, "Милан" уни фақат ижара асосида ўйнатишни режалаштираётган эди.
