Корея терма жамоасининг ҳужумкор ярим ҳимоячиси, 2009 йилдан буён яқин вақтгача чемпионлик учун курашаётган Франциянинг "Валансьен" клуби сафида тўп сурган Нам Тэ-Хи Қатарнинг машҳур "Лахвия" клубига кўчиб ўтди ва илк учрашувда дебют қилишга ҳам улгурди: "Ал-Хурайтиат"га қарши сафарда 1:1 ҳисобида якунланган учрашувда у 63-дақиқада Муҳаммад Раззоқ ўрнига майдонга чиқарилди.
Пусанда таваллуд топган 20 ёшли ярим ҳимоячи "Валансьен" мураббийи Даниэль Санчес томонидан кўпинча захирадан майдонга туширилар эди.
Нам энди Қатар чемпиони билан 2,5 йиллик шартномага имзо чекди. Ҳамюртимиз Жасур Ҳасанов кетгандан сўнг "Лахвия" таркибида осиёлик легионер сифатида ироқлик Нашот Акром тўп сураётган эди. Энди ироқлик футболчига жавоб берилиб, бўшаган ўрин корейс футболчиси билан тўлдирилди.
"Лахвия" мураббийи Жамол Белмалдининг таъкидлашича, Нам Тэ-Хи 2012 йилги Осиё Чемпионлар лигасига ҳам заявка қилинади.
