Англиянинг "Кристал Пэлас" клуби матбуот хизматининг тарқатган хабарига кўра, клуб раҳбарияти жамоа ярим ҳимоячиси Максимилиан Мейер билан тузилган шартномани муддатдан олдин бекор қилди, бу иш икки томоннинг розилиги билан амалга оширилди.
"Клубимиз Максимиланга миннатдорлик билдиради ва унинг кейинги фаолиятига омад тилайди", - деб ёзилади расмий баёнотда.
Мейер "Кристал Пэлас" таркибига 2018 йили кўчиб ўтганди. Шу вақтгача у жамоа таркибида 56 ўйинда иштирок этиб, 2 та гол киритди. Қайд этиш керакки, Мейер ушбу мавсумда бирор марта майдонга тушмади.
