Angliyaning "Kristal Pelas" klubi matbuot xizmatining tarqatgan xabariga ko‘ra, klub rahbariyati jamoa yarim himoyachisi Maksimilian Meyer bilan tuzilgan shartnomani muddatdan oldin bekor qildi, bu ish ikki tomonning roziligi bilan amalga oshirildi.
"Klubimiz Maksimilanga minnatdorlik bildiradi va uning keyingi faoliyatiga omad tilaydi", - deb yoziladi rasmiy bayonotda.
Meyer "Kristal Pelas" tarkibiga 2018 yili ko‘chib o‘tgandi. Shu vaqtgacha u jamoa tarkibida 56 o‘yinda ishtirok etib, 2 ta gol kiritdi. Qayd etish kerakki, Meyer ushbu mavsumda biror marta maydonga tushmadi.
