«Барселона» афсонаси Ривалдо "кўк-анорранглилар" бош мураббийи Роналд Куман ва «Реал» устози Зайниддин Зиданнинг ёшлар билан ишлашига баҳо берди.

«Ёш иқтидорларни бошқариш учун муваффақиятли йўл — уларга ҳаддан ташқари кўп босим ўтказмаслик. Мен бу ҳақда ҳамиша айтиб келганман. Ўйлашимча, Куман Бускетс, Месси ва Жорди Альбанинг ўрнига ёшларни тушириш орқали муваффақиятга эришади. Бунинг учун Куман мақтовга лойиқ.

Зидан эса бунинг аксини қилмоқда. У ўтган мавсумда Вальверде, Родриго ёки Винисиус каби иқтидорларга ишонч билдираётган эди. Зидан гапираётган пайтда Винисиус ўз телефонига қараб тургани учун футболчи жазоланиши мумкин экан. Бу ҳақда яқинда ўқидим. Аммо футболчини ўйин амалиётисиз қолдириш орқали курашиб бўлмайди. Бундай ҳолатда сиз фақат ўз жамоангизга зарар келтирасиз. Ҳал қилувчи ўйинларда бу ўз таъсирини кўрсатиши мумкин. Бунда жарима билан чекланиш мумкин», — деди Ривалдо.