“Манчестер Юнайтед”нинг ўзгача характерли футболчиларидан бири Пол Погба ҳам «Ливерпуль»га қарши кечадиган учрашув олдидан ўз фикрларини билдириб ўтди.

“Албатта юта оламиз. Бошқачароқ қилиб айтадиган бўлсам, бор диққатимизни ютишга қаратганмиз. Ҳозирда биз мағлуб қила оладиган кўплаб жамоалар бор. Биз ҳали мақсадимизга эришмадик. Ҳали ҳам узоқ йўлда давом этяпмиз. Миямизга муҳрлаб олган нарсамиз шу.

Барчамиз қўшниларимизни яхши таниймиз. «Ливерпуль» ҳар доим қийин ўйин намойиш этади. Улар ўтган мавсум чемпионлари ҳисобланишади. Энг зўри бўлишни истасанг, энг зўрини мағлубиятга учратишинг керак. Агар ўсишни хоҳласанг ва унга интилсанг, натижа ўз-ўзидан яхшиланаверади.

Мерсисайдликлар 5 йилдан бери ажойиб натижаларга эришиб келаётганини биласиз. Биз эртанги рақибимиз даражасини ва қандай ўйин намойиш қилишини биламиз. Очиқ айтадиган бўлсам, Премьер-лига чемпионини мағлуб этиш учун характер намойиш этишинг шарт”, - дея сўзларини якунлади Погба.