Италия А сериясининг навбатдаги туридан ўрин олган «Аталанта» ва «Женоа» жамоалари ўртасидаги учрашув олдидан меҳмонлар бош мураббийи Давиде Баллардини қуйидаги фикрларни айтиб ўтди.

"Аталанта" яхши ҳолатда, аммо биз ҳам ёмон ишламаяпмиз. Йигитларнинг «Ювентус»га қарши ўйинда муносиб қаршилик кўрсата олгани кўриш ёқимли ҳолат албатта. Бизга Бергамода яна бир ажойиб ўйин керак бўлади. Агар сиз «Аталанта» билан уларнинг Чемпионлар Лигаси ўйинидан кейин учрашсангиз, эҳтимол уларнинг кучи 100 фоизни ташкил этмайди, аммо агар «Аталанта» хотиржамлик билан учрашувларни ўтказиб, машғулотларга эътиборларини қаратса, яхши куч ва техникага эга бўлган Италиядаги энг яхши жамоалардан бири эканлигига шубҳа йўқ.

Таркибимиз январь ойидаги трансфер ойнасида ярим ҳимоячи Кевин Стротман ва ҳимоячи Жером Онгуан билан кучайтирилди. Улар кучли иштиёқ билан келган футболчилар, улардаги ўзини кўрсатиш учун бўлган хоҳишнинг юқорилиги жуда фойдали бўлиши мумкин. Мен янги футболчиларимизни машғулотларда фақат икки марта кўрганман, аммо улар яхши формада ва жисмонан ўйнашга тайёр эканликлари кўриниб турибди. Бугунги учрашувда аблатта бизга қийин бўлади, лекин биз ҳам осонликча таслим бўлмаймиз ва рақибимизга етарлича қийинчиликларни тайёрлаб қўйганмиз", — деди Баллардини.