Italiya A seriyasining navbatdagi turidan o‘rin olgan «Atalanta» va «Jenoa» jamoalari o‘rtasidagi uchrashuv oldidan mehmonlar bosh murabbiyi Davide Ballardini quyidagi fikrlarni aytib o‘tdi.

"Atalanta" yaxshi holatda, ammo biz ham yomon ishlamayapmiz. Yigitlarning «Yuventus»ga qarshi o‘yinda munosib qarshilik ko‘rsata olgani ko‘rish yoqimli holat albatta. Bizga Bergamoda yana bir ajoyib o‘yin kerak bo‘ladi. Agar siz «Atalanta» bilan ularning Chempionlar Ligasi o‘yinidan keyin uchrashsangiz, ehtimol ularning kuchi 100 foizni tashkil etmaydi, ammo agar «Atalanta» xotirjamlik bilan uchrashuvlarni o‘tkazib, mashg‘ulotlarga e’tiborlarini qaratsa, yaxshi kuch va texnikaga ega bo‘lgan Italiyadagi eng yaxshi jamoalardan biri ekanligiga shubha yo‘q.

Tarkibimiz yanvar oyidagi transfer oynasida yarim himoyachi Kevin Strotman va himoyachi Jerom Onguan bilan kuchaytirildi. Ular kuchli ishtiyoq bilan kelgan futbolchilar, ulardagi o‘zini ko‘rsatish uchun bo‘lgan xohishning yuqoriligi juda foydali bo‘lishi mumkin. Men yangi futbolchilarimizni mashg‘ulotlarda faqat ikki marta ko‘rganman, ammo ular yaxshi formada va jismonan o‘ynashga tayyor ekanliklari ko‘rinib turibdi. Bugungi uchrashuvda ablatta bizga qiyin bo‘ladi, lekin biz ham osonlikcha taslim bo‘lmaymiz va raqibimizga yetarlicha qiyinchiliklarni tayyorlab qo‘yganmiz", — dedi Ballardini.